Përshëndetje Genta dhe kolegë,
1) së pari dua të them që ky term i ngjan atyre termave që unë has për shembull në inxhinierinë civile, që nuk kanë një përkthim me një fjalë të vetme, dhe jo vetëm në inxhinieri. Nëse klienti yt, Genta, do vetëm një fjalë të vetme, nuk di ç'të them.

2) Ta linim kështu siç është do të ishte ideja më e keqe, sipas mendimit tim, kam frikë se do tingëllojë keq ose di rrinte aty në mes të tekstit pa u marrë vesh se ç'është, pasi kështu siç është nuk i thotë asgjë shqiptarëve dhe mbi të gjitha, as nuk është përdorur më parë, si ndonjë tjetër, në gjuhën origjinale.

3) Ndoshta keni dëgjuar për Asfaltin vetë-kullues (asfalto auto-drenante). Në përkthimet e bëra në Specifikimet Teknike të punimeve civile për asfaltimin e rrugës Fier-Levan dhe të rrugëve të tjera më vonë thuhet se "ky lloj asfalti ndihmon në uljen në minimum të mundësisë që shtresa e ujit të ngelet midis rrotës dhe rrugës", dhe në anglisht: this kind of asphalt helps lowering to minimum the hydroplaning.

Përkthimi mund të jetë diçka rreth këtij grupi fjalësh, pasi sipas mendimit tim, lënia siç është nuk do të ishte ide e mirë.

Shpresoj të të kem ardhur sado pak në ndihmë.

Fabiana